Unha das claves centrais do poder de suxestión de O deber do lume é o efecto de verdade derivado da lectura interpretativa das vivencias alleas, que o autor fai súas desde unha posición de evidente proximidade. Aínda que a substancia do relato pertenza á vida dun suxeito non identificábel co eu biográfico de Polsinelli, súa é, sen dúbida, a liña das tonalidades emocionais e súas son, sbore todo, a ollada metamórfica e os labores de quebra do fío argumental en procura de rumbos de pensamento poético de cerna especulativa, abeirados a certos territorios de significado científico e filosófico.

____