Este libro é unha peculiar guía de viaxes. Dunha viaxe ao teu interior, ao teu verdadeiro ser, ao teu corazón. É indubidable que actualmente moitas persoas no mundo están a espertar e desexan vivir a súa vida e buscar a felicidade dunha forma máis consciente, afastada de automatismos e de vellos patróns de comportamento e de control social. Din que para ser felices non debemos estar na mente, no ego, e que escoitemos o noso corazón.

Pero, iso como se fai? Nun mundo cheo de ruído exterior e interior, a maioría vive en modo supervivencia, presa de medos e incerteza, a mercé de emocións difíciles de xestionar. A resposta de Carmen PENIM a esa pregunta é este libro, no que nos ofrece, de forma amena, prácticas ferramentas fáciles de usar e 12 meditacións audios que nos irán levando cada vez a un encontro máis auténtico e profundo co noso verdadeiro Eu. Un encontro que nos pode axudar a pornos en paz coa vida e co mundo.

____

Editorial: Toxosoutos  08-2025
Idioma: Galego
Páxinas: 198
RELATOS