Carlos Osorio Justo (Pontevedra 1950-2002) foi un fotógrafo pontevedrés que conta co seu propio fondo de case 5000 imaxes no Arquivo Patrimonial da Deputación Provincial.
En 2009 a publicación do libro "Carlos Osorio. Fotografía" faise coincidente coa exposición “Carlos Osorio. Unha vida en amarelo”, que plasmaría a súa obra máis representativa.
Osorio fotografou escenas cotiás e arquitectónicas da cidade, percorreu moitos pobos da provincia coa súa cámara, maila viaxou a países de América e Europa onde fixo series de imaxes varias. No ano 1975 iniciou un proxecto, que nunca finalizaría, para a realización dunha película sobre a loucura, do que quedan imaxes do manicomio de La Caellada en Oviedo. Uns anos despois, no 1978, participou con seis fotos nunha exposición colectiva en Londres que se mostraría en varias cidades europeas.
Ademais do seu libro "Carlos Osorio. Fotografía" con máis de 100 fotos, ilustrou outros libros, entre eles, "As pesqueiras do Río Miño" de César Portela en 1985 e "La Ría de Pontevedra.Centenario del Puerto de Marín 1886-1986 con textos de Xosé Fortes.

____

Editorial: Deputación de Pontevedra
Idioma: Galego