O mar é parte de Galiza. Ao longo do tempo, a explotación mariñeira foi unha constante definitoria da realidade galega, incluso nos tempos máis remotos do pasado, cando Galicia non era senón Gallaecia.

Coa chegada das lexións romanas ao Noroeste da Península Ibérica, o territorio galaico entrou a formar parte da historia do mundo clásico. Moitos foron os cambios provocados pola dominación e a integración de Gallaecia no organigrama político e, sobre todo, económico de Roma, e moitas foron tamén as cousas que continuaron a seguir igual. O mar e o seu idilio coa nosa terra foi unha desas cousas que non cambiaron. O presente libro pretende achegar ao público xeral unha aproximación sinxela e amena á realidade mariñeira do mundo galaico, da Galicia máis antiga.

____