Finalista Premio Photo España. Mejor libro de Fotografía del Año.

«En 2017 regresei á aldea. As leiras estaban abandonadas, xa non se vía gando a pastar nos campos. Entrei no bar. Unha estufa queimaba leña.
Nunha mesa estaba o ex-alcalde, envellecido, coma os outros tres homes que o acompañaban na partida de cartas. Alí contáronme».
Javier Teniente

Trás-os-Montes é unha rexión no nordeste de Portugal, chamada así por estar situada alén de sistemas montañosos que a separan da costa. Neste territorio, e en moitos outros por toda a península ibérica, detívose Javier Teniente para captar coa súa cámara o abandono, a soidade dalgúns lugares apartados e dos poucos habitantes que alí permanecen. Tras os
montes, tal vez o seu traballo máis persoal, é o resultado desta viaxe, feita de diversos percorridos ao longo dos anos, onde mostra a desolación e a beleza dun mundo no bordo da súa desaparición.

Javier Teniente (1968) cubriu guerras, crises humanitarias e desastres naturais en diferentes lugares do mundo como Centroamérica, Timor, Kosovo, Iraq, Haití, Indonesia ou México. Cunha traxectoria marcada por proxectos documentais de longo percorrido, publicou Emergencias Humanitarias (Médicos del Mundo, 2000), Mans Salgadas (Edicións Xerais,
2002), Iraq, días de posguerra (Edicións Xerais, 2003), Cabalos de Vento, Curros de Pedra (Edicións Xerais, 2009) e Hijos del Océano (Blume, 2016). O seu labor ten sido recoñecido co Premio Internacional Luis Valtueña de Fotografía Humanitaria (2003 e 2005), o Premio Galicia de Comunicación (2004) e a Mención Especial nos Premios Ortega y Gasset
de Periodismo (2006). Durante anos colaborou como fotógrafo con Nacións Unidas, Médicos do Mundo, Médicos sen Fronteiras, Acción contra a Fame e
outras organizacións internacionais. A súa obra foi exhibida en cidades como Nova York, Barcelona, Hamburgo, Buenos Aires ou São Paulo.

SOLAR de Edicións é unha editorial fundada en 2022, en Vigo, por Juan
Gallego, deseñador gráfico, e Ignacio Pérez-Jofre, artista e profesor da
Universidade de Vigo. Entenden a edición como un proceso creativo.
Queren publicar libros que desexen ver e ler. Tras os montes é o
seu quinto libro.

____

Editorial: SOLAR 12-2025
Idioma: Galego
Páxinas:
TAPA DURA
FOTOGRAFÍA