Traballo antropolóxico parido nas serras e chairas lindeiras galego-portuguesas, afirmando o acerto de incluír no título a expresión “máxica” que tan ben lle ven a este espazo xeográfico. A maxia é a “ciencia ou arte que ensina a facer cousas extraordinarias e admirables”, segundo o dicionario.

Sen dúbida, extraordinaria e admirable foi a vida de cantos viviron e viven na Raia Seca. Das súas relacións sociais e de comunidade, agroman os plurais e abondosos mitos, crenzas e costumes que, modelados pola xeografía, a climatoloxía, a economía e a bioloxía, principalmente, pariron unha cultura popular abraiante.

____