O autor debuta en Editorial Galaxia cun mollo de relatos centrados en personaxes de vida escura, existencias atormentadas e retos de vida. Contos contados ao carón dun piano, cun licor na man, entre fume de cigarros e caras descoñecidas. Unha viaxe pola xeografía planetaria da man de voces incribles de vidas disparatadas pero que, como todas, son idénticas á túa e á miña, se chega o caso. Un libro de relatos onde o que conta é o pracer de narrar, de escoitar, de ler, de que nos lean. Un exercicio de descontrolada contención dunha das voces máis singulares das nosas letras.

____