O Charlie nunca pensou que puidese gustarlle ao Nick, mais agora son mozos oficialmente. O Nick mesmo encontrou o valor para saír do armario coa súa nai. Porén, saír do armario non é algo que pase só unha vez: está o irmán máis vello do Nick e unha viaxe do instituto a París, sen esquecer todas as outras amizades e familiares... e a vida pode ser difícil, mesmo con alguén que te quere ao teu lado. Á medida que os seus sentimentos se fan máis profundos, o Charlie e o Nick precisarán o un do outro máis que nunca. Este é o terceiro volume da serie best-séller Heartstopper, escrita e debuxada pola autora premiada Alice Oseman.

Alice Oseman (Kent, Inglaterra, 1994) é unha premiada autora de cómics, escritora, ilustradora e guionista. É a creadora da serie de cómics Heartstopper, un romance LGBTQI+ para público adolescente en seis tomos que leva vendidas máis de oito millóns de copias no mundo e está publicado en 39 idiomas. Tamén é guionista e produtora executiva da súa adaptación audiovisual para a plataforma Netflix, unha produción gañadora dun premio Emmy e producida por See-Saw, pola que escribiu todos os episodios e participou en todas as fases, desde o casting ata a música.

Alice tamén é autora de varias novelas contemporáneas sobre desastres adolescentes: Solitaire (publicada cando tiña só 19 anos), Radio silence, I was born for this e Loveless. Os libros de Alice foron galardoados, preseleccionados ou nomeados para numerosos premios, como o XA Book Prize, os Inky Awards, a Carnegie Medal e os Goodreads Choice Awards. Alice foi nomeada Persoa do Ano 2023 por Attitude (unha de revístalas LGTBQI+ de referencia do mundo), e Ilustradora do Ano por The British Book Awards. En 2024, Hearstopper ten as súas primeiras edicións en eúscaro grazas a Astiberri: Heartstopper 1. Bi mutilen enkontrua e Heartstopper 2. Zu etxerako!.

_____

Editorial: Xerais 03-2025
Idioma: Galego
Páxinas: 384
NOVELA GRÁFICA
JUVENIL: MAS DE 12 AÑOS