?Saltón no camiño? reúne seis relatos do destacado autor estadounidense Arnold Lobel: O Club, Unha casa nova, A varredora, A viaxe, Sempre e Pola tarde. Con cada un dos personaxes que atopa no seu longo camiñar, vivirá unha aventura, unha experiencia que vai máis aló do que aparentemente amosa. Porque neste libro, o cerne está na propia viaxe. As historias de Saltón, incansable camiñante e cidadán do mundo, trazan perfís inherentes á condición humana; transmítenlles aos lectores a poesía que se oculta no cotiá. Mentres que para o público infantil cada relato é un episodio máis nas peripecias de tan peculiar protagonista, por riba das dificultades que atopa no seu traxecto, os adultos atoparán nesta obra outras lecturas enriquecedoras: entre elas, que a felicidade está nas cousas simples, lonxe de cuestións que nos complican a vida e nos impiden acadar os nosos obxectivos ou gozar do día a día.

Ficha Técnica:

ISBN/EAN: 9788484643388.
Autor: Lobel. Arnold,.
Formato: Tapa dura.
Páginas: 68.
Alto: 215.
Ancho: 150.
Fecha de Publicación: Octubre 2017.
Idioma: Gallego.