Unha viaxe ás orixes do socialismo democrático no nacionalismo galego e ás súas contradicións de clase e nación:

Entre a clandestinidade antifranquista e as primeiras eleccións autonómicas naceu e foi evolucionando unha das experiencias políticas máis singulares e influentes da Galiza contemporánea: o Partido Socialista Galego (PSG). Esta obra, froito dunha investigación transdisciplinar minuciosa e de compilación de materiais, percorre a súa traxectoria desde a xénese e a fundación en 1963 ate a década dos 80s do século XX.

Millán Fernández reúne fontes e percorre as alianzas e debates internos dun partido e/ou sucesión de formacións políticas que serviron de ponte entre o galeguismo histórico republicano e o novo nacionalismo marxista radical. Cunha mestura de análise política e relato histórico, e a través de documentos inéditos ou pouco divulgados, testemuñas directas e un sólido marco teórico, este libro resulta nunha reflexión sobre a posibilidade —ou imposibilidade— de construír un socialismo propiamente galego nun tempo de transicións, incertezas e esperanzas.

Unha lectura imprescindible para comprender mellor as raíces do presente e algúns dilemas abertos na historia da esquerda e do nacionalismo galego contemporáneo

Con limiar de Xosé Manuel Beiras
Agradecementos.
Siglas e abreviaturas..
Resumo..
Limiar.
1. Introdución.
2. Un estado da cuestión.
3. Aproximación analítica:
unha «historia mínima» do PSG.
4. A modo de síntese e conclusións.
5. Cronoloxía básica.
6. Bibliografía...
7. Filmografía..
Apéndice I. Tres cartas de Ramón Piñeiro a Manuel Caamaño, cofundador do PSG
(1960-1961)...
Apéndice II. Voceiros, documentos e outras publicacións.
Apéndice III. Material gráfico e propaganda.

___

Editorial: COMPANHA EDITORA 01-2026 
Idioma: galego
Páxinas: 189
HISTORIA DE GALICIA
POLITICA
PSG
CLANDESTINIDADE