Violinista, poeta, novelista, autor de teatro, activista político, ademais de artista plástico, Eugenio Granell comezou na súa xuventude a interesarse polas vangardas e rematou ocupando o cargo de representante da internacional surrealista en Nova York durante trinta anos

Francia, República Dominicana, Guatemala e Puerto Rico foron países nos que viviu o seu exilio, así como a cidade de Nova York, onde se instalou en 1958. Nela consolidou o seu sistema artístico e realizou unha inxente produción. En 1985 radicouse en Madrid. Dez anos despois, no Pazo de Bendaña, en Santiago de Compostela, creouse a Fundación Granell, cunha excelente colección de obras que abranguen todas as súas etapas. Pouco despois da súa morte, no outono de 2001, realizouse unha mostra itinerante pola rede de centros do Instituto Cervantes á que corresponde este catálogo.

____

Editorial: AFUNDACIÓN
Idioma: Castellano