Tradución de Lois Tobío Fernández

O Fausto de Goethe é, tal vez, unha das obras cimeiras da literatura universal de todos os tempos. Considerada por moitos críticos como unha representación simbólica da natureza do home occidental na súa incesante actividade e incansábel sede de experiencia, Fausto é unha peza na que se combinan maxistralmente os grandes temas que, desde sempre, preocuparon e preocupan o ser humano de todas as latitudes e de todos os credos: o amor, a morte, a paixón e o mito da eterna xuventude.

Edicións Laiovento congratúlase de ofrecerlles aos lectores galegos esta singular obra dramática, na elaboración da cal o autor empregou arredor de 60 anos, agora traducida ao noso idioma, nun demorado proceso que abrangue desde os anos 20, do século XX, ata, practicamente, a década dos 90, por un home da traxectoria intelectual, ética e humana de Lois Tobío Fernández

____

Editorial: Laiovento 2021
Idioma: Galego