T.J. WINNIFRITH

Perandoria Romake, Bizantine dhe Osmane, pushtimi i huaj, komunizmi dhe konflikti fisnor: këto kanë qenë realitetet e jetës në Shqipërinë e veriut prej shekujsh.
Në këtë histori të pasur dhe gjithëpërfshirëse, Tom Winnifrith shqyrton shumë elementë të ndryshëm që kanë formësuar këtë rajon të pavarur dhe pak të njohur të Ballkanit. Ai eksploron ndarjen themelore midis jugut të Shqipërisë dhe veriut të saj misterioz, romantik më feudal, më fisnor, më katolik dhe më i prirur ndaj ndikimit austriak dhe italian.

Është gjithashtu një rajon më pak i prekur nga Greqia, e lashtë dhe moderne, dhe nga Bizanti mesjetar apo besimi ortodoks. Shqipëria e veriut, me një terren dhe klimë shumë më të ashpër se jugu i vendit, ka pasur tradicionalisht shumë pak respekt për ligjin dhe autoritetin, ndërsa banorët e saj mbeten të nënshtruar ndaj një kodi të lashtë nderi - kanunit - që kërkon gjakmarrje dhe hakmarrje të tmerrshme.

Mbretëria e Askujt gjurmon historinë e këtij rajoni jashtëzakonisht të bukur, të trazuar shpesh si nga pushtuesit ashtu edhe nga grindjet e brendshme, por duke ruajtur një identitet dhe karakter të veçantë kombëtar. Nga origjina e saj në mbretërinë e lashtë të Ilirisë dhe provincën romake të Ilirikut, përmes sundimit bizantin dhe osman, dhënies së pavarësisë së Shqipërisë në 1912, ngritjes dhe rënies së komunizmit deri në demokracinë e saj të brishtë aktuale, Shqipëria e veriut mund të shihet si një vend kulturor, udhëkryq - veçanërisht i shquar duke pasur parasysh peizazhin e tij malor dhe të vështirë.

Ky libër, është historia e parë moderne gjithëpërfshirëse e Shqipërisë së veriut dhe është një hyrje në kohë dhe e arritshme për një rajon të largët dhe të paarritshëm.