Íslenska útgáfan

Style TARASWEATER er prjónauppskrift.

Uppskriftin er send á netfang sem gefið er upp og í PDF formi sem hægt er að hlaða niður.

Stærðartafla

Stærðir                                                            

(XXS)   XS   (S)     M      (L)     XL   (XXL)   3XL

1.Yfirvídd                                                          

(106) 110 (120) 124 (132) 136 (142) 146                                       

2.Lengd mæld frá miðju baki og niður:      

(58)     59   (60)   61   (62)   63    (63)  63

Peysan er hönnuð með víðu sniði, með u.þ.b. 20–30 cm hreyfivídd í minni stærðunum, sem minnkar smám saman í stærri stærðunum.

Aðferðir : Uppfitjun, prjónað í hring, brugðið, útaukningar, úrtökur, þýskar stuttar umferðir og affelling.

Garn

Handlitað Kid Silk Mohair frá Thelma Steimann. Lúxus burstað garn er úr 72% kid mohair og 28% silki. Létt, einstaklega mjúkt og dásamlegt að prjóna úr. U.þ.b. 420 m / 50 g.

Kid Silk Mohair: 4/4/5/5/5/5/6/6 dokkur

Litur 1: 2

Litur 2: 1

Litur 3: 2

Eða:

U.þ.b. (200–250) 200–250 (200–250) 250–300 (250–300) 300–350 (300–350) 300–350 g fyrir afgangaútgáfu eða einlita útgáfu.

Kögur: u.þ.b. 30 g Kid Silk Mohair.

Áhöld og fylgihlutir

Hringprjónar 10 mm, 40 cm og 80/100 cm

Hringprjónn 7 mm, 40 cm

5 sokkaprjónar 7 mm

2 prjónastopparar

Prjónamerki

Nál til að ganga frá endum

Heklunál nr. 7 (valfrjálst)

Bursti eða peysukambur til að bursta upp hárin (valfrjálst)

Prjónfesta

Mikilvægt er að athuga prjónfestu áður en byrjað er.

Fitjið upp 10 lykkjur með 4 þráðum af Kid Silk Mohair og prjónið 13 umferðir á 10 mm prjóna fyrir 10 x 10 cm prufu.

Gott að vita

Peysan er prjónuð ofan frá og niður með raglanútaukningum. Berustykkið er fyrst prjónað fram og til baka, síðan er það tengt saman við hálsmálið og prjónað áfram í hring. Síðar er berustykkinu skipt í bol og ermar, sem eru prjónuð hvort í sínu lagi. Mælt er með því að byrja á hálsmálinu og síðan ermunum eftir að búið er að skipta berustykkinu. Þannig er auðveldara að láta litaskiptin verða samstillt í ermunum ef unnið er með ombré eða afgangaútgáfu, og leyfa litunum og garninu að fjara út í bolnum.

Um mismunandi útgáfur

Peysuna má vinna á þrjá mismunandi vegu:

Einlit // Afganga// Ombré

Ef unnið er með ombré-útgáfuna skal fylgja leiðbeiningunum í uppskriftinni um hvenær á að skipta um liti. Ef unnið er með einlita útgáfu eða afgangaútgáfu skal hunsa litaskiptaleiðbeiningarnar, en fylgja áfram fjölda banda í uppskriftinni.

Um mimsunandi frágangs útgáfur

Það eru nokkrar leiðir til að klára peysuna:

Hafa hana eins og hún er // Bæta við kögri // Bursta mohairið upp fyrir loðna áferð

Þú getur blandað þessum frágangsaðferðum eins og þú vilt.

Ef þú velur að bursta mohairið upp er mælt með því að bursta aðeins þá hluta sem eru prjónaðir með 4 eða fleiri þráðum, til dæmis bolinn.

Mælt er með því að vinda garnið í kökur svo hægt sé að nota bæði þráðinn utan af kökunni og innan úr henni. Eftir því sem peysan verður þykkari þarf að hafa fleiri þræði aðgengilega í einu. Skiptið garninu sem á að nota í bolinn í að minnsta kosti 2–3 kökur svo nægilega margir þræðir séu tiltækir við affellingu.