Hæð: 75cm
Þvermál potts: 17cm

Þessi hái og tignarlegi fiðlufíkus var að koma til okkar. Fiðlufíkusar vilja nokkuð mikið vatn en vilja þó alls ekki sitja í vatni. Vatnið þarf því einhvern veginn að geta lekið í gegnum pottinn og út. Margir mæla með því að þegar fiðlufíkusar eru vökvaðir sé gott að snúa pottinum um það bil 90 gráður áður en næst er vökvað og þurrka af laufblöðunum. Fiðlufíkus hefur löngum verið talinn mjög heimakær og vill því helst ekki vera færður mikið um set. Vill helst vera á þeim stað sem hann var upphaflega settur.

Verði laufblað ljótt má klippa það af, það gerir plöntunni ekki mein. Verði plantan löng og mjó og þú vilt að plantan verði þykkari um sig og meira eins og tré í laginu, þarf að klippa af toppi plöntunnar svo að næringin fari frekar í að gera plöntuna þykkari en hærri. Myndbönd af þessu má sjá á YouTube.