“I’m missing yesterday’s love.”

   May feelings na laging nandiyan, nakaabang kung kailan magpapapansin. Nakaabang kung kailan ako titisurin sa mga pamilyar na kanta, lugar, at salita. Magpapaalala sa isang mukha na hindi ko naman gano’n kakabisado pero pamilyar. Magpapaalala sa mga dating pakiramdam.

   Malalaman mo raw kung sino ang The One That Got Away mo kapag narinig mo ’yong salita at nakaalala ka ng iisang tao lang; nakatisod ka ng mga dating pakiramdam; nangulila ka sa mga nakaraang saya; nakaalala ka ng mga pamilyar na sakit.

   Sabi, time heals wounds at distance makes one forget. Bakit parang hindi naman effective? Bitbit ko pa rin lahat ng what if. Hindi pa rin ako makatakas sa maraming sana.

   Ako ba ang bumitiw o siya? Tapos na ba kami talaga?

   Ang sarap magtanong kaso... wala nga palang kami noon.

Title:Candy Series: TOTGA - Special Edition
Author:TheCatWhoDoesntMeow
ISBN:97127-3909-5
Book Category:YA/Romance/Flutter
Copyright Year:2025
Dimension:5 x 8
Pages:280