Lumabas noong 1876, ang Dona Perfecta and pinakakilalang nobela ni Benito Perez Galdos (1843-1920), ang pinakaprolipikong nobelistang Espanyol noong siglo 19. Sa obrang ito, nagtatagisan and modernidad at konserbatismo. Dito rin unang ipinakita ni Perez Galdos ang anti-klerikalismong gagamiting bala ng kaniyang mga kritiko upang apat na ulit na harangin ang nominasyon niya sa Premio Nobel sa Literatura. Hindi iilan na nakabasa ng nobela sa Pilipinas ang nakapansin sa pagkakahawig sa mga kuwento ng Dona Perfecta sa Noli Me Tangere, isang dahilan upang basahin at pag-aralan ang nobela at ang posibleng impluwensiya nito kay Jose Rizal. Mabibigyang-linaw din ng nobela na ang anti-klerikalismo ng mga ilustradong Pilipino noong panahon ng Propaganda ay ang kanilang tugon sa suliraning panlipunan di lamang sa Pilipinas kundi sa Espanya rin.

2024/366pp
bookpaper/paperback