Sa pamamagitan ng perspektibang historikal, tinutunton ng Nobelang Tagalog, 1905–1975 ang pag-unlad ng nobelang Tagalog sa loob ng unang pitong dekada ng ikadalawampung dantaon. Mula sa pagbabasa ng humigit-kumulang sa 300 nobela, tinatalakay sa aklat ang mga nobela at mga nobelistang kumakatawan sa bawat panahon sa kasaysayan ng anyo at nililinaw ang mga puwersang pangkultura at panlipunan na naging impluwensiya sa pagkatha ng nobela. Ipinaliliwanag nito kung paano mauunawaan ang katangian at naging pag-unlad ng nobelang Tagalog sa pamamagitan ng paglalagay nito sa konteksto ng mga pangyayaring naganap sa panitikan at kasaysayan ng bansa.

Unang inilathala noong 1982 at nagwagi ng National Book Award para sa Kritisismong Pampanitikan, muling ipinakikilala ng bagong edisyon ng Nobelang Tagalog, 1905–1975 ang mapanghawang pag-aaral ni Soledad S. Reyes na nagbukas ng pag-unawa at pagsusuri ng panitikan mula sa isang pangkasaysayan at panlipunang pananaw.

2025/346pp
bookpaper/paperback