A memoria do goberno revolucionario da Illa e da súa feroz represión.

Papel de estraza non é un libro sobrememoria histórica ao uso. Se houbese que situalo nalgunha categoría, sería -como atinadamente sostén no seu prólogo Xosé Álvarez Castro- na das obras de historia local, que non menor, que son quen de afondar en episodios, lugares e xentes concretos, nos que se encarnan as grandes ideas e movementos da súa época. Neste caso, o nomeamento dun goberno independente e utópico para A Illa de Arousa, declarado ao fío da revolución de outubro de 1934, que tan ben serviu como escusa para a salvaxe represión que se exerceu en Galicia a partir do estoupido da Guerra Civil, dous anos máis tarde.